鄭元暢當年探訪印度被嚇到 資助兒童生活學習不問回報

台灣男星 鄭元暢 多年來一直對行善不遺餘力，原來佢一直低調支持咗19位小朋友，又多次探訪唔同貧困地區，最深印象仲係首次出發同 張艾嘉 一齊到訪印度，當時嘅深刻記憾同衝擊仲一直長留腦海，自始就成為資助者嘅一份子，亦深深體會施比受更有福嘅道理。

雖然演藝工作一啲都唔輕鬆，不過小綜亦非常明白要放假充電先會有更好狀態，早前佢就對北海道滑雪，仲自認有啲沉迷到中毒，下年要繼續努力練習呀。

至於佢嘅老友 楊謹華 目前正參與內地新一季「浪姐」拍攝，小綜就指謹華一向對自己有極高要求，但係就話唔使向老友比意見，仲笑言只要對方付出飲酒功力嘅1％就已經可以輕鬆應付咁話。