群星齊集香港流行文化節 Gin Lee冒雨上陣感謝趙增熹操刀為歌曲改編

Gin Lee李幸倪、盧冠廷、林志美、Kendy孫曉賢、陳明憙、韓國女歌手Meaningful Stone等一眾歌手為香港流行文化節嘅戶外音樂嘉年華演出。雖然活動當日撞正天氣不佳，Gin Lee演出更橫風橫雨，但無阻佢嘅演出熱情。
 
呢次Gin Lee喺活動上演唱多首梅姐梅艷芳、哥哥張國榮嘅歌曲，令佢喺準備嘅時候都好似每唱一首歌感受到嗰個年代嘅香港流行音樂。而Gin Lee好感謝趙增熹為佢親自操刀為歌曲重新編曲，將多首電影歌曲串連一齊。
 
至於講到開騷計劃，Gin Lee就話雖然目前未有確實日子，不過最快要等到出年年尾，今年會繼續出新作，特別係一啲快歌！