福祿壽訓練學院｜葉泓聲關嘉敏復刻張國榮經典舞台 人肉風火輪舞功超搶眼

由阮兆祥、李思捷、王祖藍主持嘅扮嘢真人 Show《福祿壽訓練學院》，話咁快喺今個星期日（25號）踏入第四集喇！由三位主持帶領嘅學生就會喺第四及第五集首度交鋒，進行「復刻經典舞台」、「扮嘢電影短片」及 「外景扮嘢挑戰」三個回合的扮嘢挑戰對決。首兩個回分數由專業評審羅冠蘭及現場觀眾即場決定；三個回合總分第一名嘅隊伍可以全員留低，第二及第三名隊伍就要分別淘汰一名及兩名學員。

Gordon 與 Carmen 排練時相當認真。二人將復刻張國榮嘅經典舞台。呢身造型真係好搶，Gordon 與 Carmen真係少啲體力都唔掂。

第四集內容圍繞「復刻經典舞台」扮嘢對決，福隊、祿隊及壽隊分別派出「堆填區小龍女」趙頌宜(Maggie)；「人肉變聲器」湯卓堅、「老翻林峯」 鄭詠謙拍檔「Lowbud 大熱」趙亮昭；「大坑小 G」葉泓聲(Gordon)拍檔「光B女」關嘉敏(Carmen)，而三位導師亦分別為自己嘅學員挑選復刻舞台主題， 分別係莫文蔚於《2020 年度勁歌金曲頒獎典禮》獻唱《呼吸有害》演出、2022 年《聲生不息‧港樂季》、以及 1984 年張國榮喺《星光熠熠勁爭輝》嘅經典表演 「鴛鴦舞王」。

Gordon 與 Carmen穿上鴛鴦舞衣及以鴛鴦妝容上陣。Carmen 的長腿及 Gordon 的迷人眼神更是表演亮點所在。

三隊嘅「復刻舞台」造型各有睇頭，無論係祥師兄嘅「自由神像 crossover 武則天」樂壇天后 Look、鄭詠謙嘅曾比特式爆炸頭、湯卓堅嘅「90%林子祥」，及 Gordon 及Carmen 嘅「雌雄同體」造型均相當搶眼！

湯卓堅同鄭詠謙嘅林子祥及爆 炸 Mike 扮相又確係幾像真。祖藍隊嘅經典舞台，思捷睇完都猛話好正。

本集仲有李龍基擔任嘉賓驚喜現身，同「李龍 A」祖藍、「李龍 B」祥師兄及「李龍 C」思捷合唱《佛山贊先生》、《Country Road》、《男子漢》及《雲淡風清》。之前祖藍喺節目中扮演「癡情基」成為，如今「真‧假李龍基 s」同框自然引爆期待。而真‧李龍基接受製作組訪問時，就坦言唔介意被人模仿：「若然我畀人扮哩，我自己本身係開心嘅。世界上咁多人、千百萬人，點解要扮你呢？你有被扮嘅資格，都係一種榮幸嚟！」另外，福祿壽三子同與羅冠蘭老師嘅互動亦相當搞笑。
祥師兄隊嘅經典舞台，祥師兄親自落場夥拍學員趙頌宜演出。真假李龍基同框，萬勿錯過。李龍基驚喜現身，與「李龍 A」祖藍、「李龍 B」祥師兄及「李龍 C」思 捷合唱《佛山贊先生》、《Country Road》、《男子漢》及《雲淡風清》。