台灣藝人JR紀言愷、卞慶華現身台北出席節目記招,兩位呢次出埠拍攝外景,玩盡食盡菲律賓之餘,亦瘋狂做GYM維持好身材。所以喺記招上,兩位猛男大方向在場傳媒展現腹肌,更任摸唔嬲。曾經為出寫真而地獄式操肌嘅卞慶華就話面對JR自嘆不如,事關JR將腹肌練到好似用刀雕刻出嚟一樣,非常完美。
唔好睇兩位青靚白淨好似完全唔捱得,JR同卞慶華喺旅程深入菲律賓當地原住民部落,卞慶華形容當地好似幾十年前嘅台灣一樣,非常鄉下偏僻。唔只要親自落手捕魚,就連如廁都係用原始方式跳入河中解決,呢個體驗令兩位夠曬難忘。
雖然有得邊玩邊工作係開心事,但JR因聲帶生繭病足全程,每日要出力發音開聲,仲要畀拍擋同工作人員笑,令佢感覺非常痛苦!
登入後即可查看我的收藏
登入後即可查看瀏覽記錄