趙璧渝海邊拍豐胸廣告 性感打扮吸引野豬現身

入行轉眼已經超過10年嘅 趙璧渝 ，疫情期間自我增值考得瑜伽教練執照，將興趣幫補收入。雖然Osanna曾因工作不隱定曾銀行戶口餘額只得3位數，不過堅持演藝夢嘅Osanna一直未放棄幕前，喺《逆天奇案2》當中飾演「妹頭」同早前《法言人》當中嘅Coco演出，都令觀眾印象深刻，近日Osanna仲應邀拍攝新一輯廣告盡顯女性線條美。

新一輯廣告喺海邊取景，Deep V薄紗上陣嘅Osanna俯身盡騷震撼豐滿身材，除咗賣口乖向一眾姊妹教路健美心得，仲話運動飲食都對身材非常重要。

拍攝當日位處海邊風，大風狂足就令Osanna不停流鼻水，仲因為服裝性感而難以保暖：「有機會濕身都有準備暖包、大毛巾，但啲衫實在冇空間貼暖包，因為泳衣好多個窿、婚紗本身好窄，當日自己帶咗一件長羽絨，同埋一個暖壺。」拍攝前一日佢仲只飲流質食物、食藍莓同烚蛋充饑，當日由朝到晚早只飲齋啡去水腫。

Osanna由《逆天1》到近日熱播嘅《逆天2》飾演嘅「妹頭」仍然備受注視，佢仲認為係入行11年嘅一個里程碑：「感激有展鵬大佬嘅帶領令我哋A Team嘅默契、眼神、互相嘅信任度、演繹上嘅節奏等等都愈來愈自然合拍，大家會互相提點，而妹頭呢個角色就成為咗我生命中好重要嘅里程碑，因為呢個角色令我得到好多得到好多，我好感恩可以同你哋呢個團隊一齊成長進步，好多謝觀眾支持。」