玲玲友情報｜天氣女神黃婉曼爆做主播秘聞 麥玲玲被指倒奶買鞋得啖笑

堪輿學家麥玲玲帶領吳兆麟（Alan）、蔡景行（行仔）主持嘅清談節目《玲玲友情報》，喺（10日）播出呢集主題為「主播唔係咁易做」，邀請到第一代「天氣女神」黃婉曼（Icy）做嘉賓分享，Icy當年報道天氣時憑住活潑跳脫金句「我哋一齊跳出香港」，頓時成為萬千宅男嘅女神。

昨晚（10 日）一集嘉賓是初代「新聞女王」Icy。

後來Icy喺2014年下嫁馬主馮柏基，婚後佢更特別飼養咗一匹馬，命名「跳出香港」，先後贏過唔少獎金同榮譽。講到Icy同老公喺馬場邂逅，過程浪漫，佢堅信同老公嘅相遇係「命中注定」，又甜蜜表示︰「我哋喺馬場唔同場合碰見三次，當時覺得真係有緣。同埋自己鍾意少少肥，肥肥哋幾得意，同老公係由有好感開始。」

Icy 笑言報天氣地理位置，好多時是「靠估」。

Icy喺節目中自爆當年做天氣主播時嘅秘聞，好多時都係赤腳上陣錄影，佢笑言︰「公司提供嘅高踭鞋太高，所以我會除鞋報天氣，方便行嚟行去。同埋顯示世界各地天氣嘅布告板，其實只有觀眾睇到，我哋係要估個位置，邊度係北京、邊度係香港。」

Icy 在馬場三遇老公，相信緣份天注定。

傳播學系出身嘅Icy，任幕前時不時要跟記者打交道，入行時有友人忠告唔好同記者做朋友，但佢並不同意﹐仲話到現時有啲識咗超過10年嘅記者朋友，一直有聯繫。玲玲師傅亦表示認同，部份記者都會講義氣︰「當然好似你咁講，做咗啲好壞嘅事，真係好難幫你寫好。但有時要幫手要宣傳，都無所謂，重點係你對人要真誠，大家先做到朋友。」

Icy 將復出幕前主持《飲食新聞報道》。

玲玲師傅直言歌功頌德嘅娛樂新聞冇收視，多年前一篇報道令佢印象深刻︰「好記得有次出去買鞋，緊係彎低身試鞋，點知後來段新聞標題係『麥玲玲倒奶買鞋』。」事後她致電報館相熟記者，笑笑口問︰「點呀，唔通隻腳擺喺個頭咩。其實又無乜傷害性，鬆容啲一笑置之。其實大家咁努力，都係想人寫你啫，唔使太認真，娛樂圈就係咁。」

玲玲師傅對多年前的「倒奶試鞋」新聞，一笑置之。即場票選當年的新聞女神。新聞女神名單

《玲玲友情報》逢周三晚10點J2（82台）播映