StarTalk｜黃婉曼孖蔡雪瑩重返主播台 美食新聞報道介紹美食無懼增磅

由天氣女神 黃婉曼 同前新聞主播 蔡雪瑩 率領 黃嘉雯 同 倪嘉雯 主持嘅全新飲食節目《美食新聞報道》星期四就正式首播，4位主持呢日接受我哋嘅《StarkTalk》專訪，預先披露精彩節目內容。

Icy同Snowy會安坐錄影廠以主播形式介紹城中美食、小店、歷史悠久嘅店舖以至廚師嘅奮鬥故事等，而Carmeney同Carmen就會負責四出覓食，將美味嘅食物推介畀觀眾。Icy話自己曾經經營過飲食業，了解箇中艱苦，眾多廚師嘅奮鬥史都好感人。

而為咗節目效果，Icy事前花咗好多心機，特別節目完結時，佢都有諗以「再會」、「再見」定講「拜拜」嚟同觀眾say goodbye。雖然主持飲食節目，但Icy並唔怕增磅，反而覺得食嘢心境更重要，開心自然有助促進新陣代謝，唔怕會肥。

Carmen有幸同Icy及Snowy一同坐廠合作，令佢覺得好似置身報新聞嘅感覺，除咗被被望鏡頭考起之外，Carmen認為介紹美食嘅形容難度十足：「過往一係好食，一係唔好食，但今次學到好多嘢，大開眼界。」

《美食新聞報道》4月25日起逢星期四、五晚 21:30 TVB Plus