獨家丨炎明熹為逆天奇案2錄片尾曲 演繹溫暖歌曲意外有夾band感覺

炎明熹Gigi喺熱播劇《逆天奇案2》中唔只有份客串演出，佢仲為劇集獻唱片尾曲《錯過。再實現》，劇集播出後無論演技定歌藝嘅反應都同樣叫好。喺錄片尾曲時，Gigi話首歌有種正面嘅感覺，而自己錄嘅時候都用咗特別技巧呀。

Gigi話自己收到呢首歌嘅Demo時，剛聽到嗰陣畀到一種好溫暖嘅感覺佢，但到佢唱出嘅時候反而有種搖滾嘅感覺，相當神奇。

之前Gigi以全英語為劇集《新聞女王》演繹片尾曲《Crystal Clear》，當時為咗演唱得更好，Gigi逐句歌詞去深入了解意思；今次雖然係唱廣東歌，但Gigi都同樣全力應付，加上因為呢段時間又要忙住記演唱會啲歌詞，暫時對《錯過。再實現》未算太熟悉，所以佢想趁呢日錄音時間去同呢首歌做好朋友呀。