郭富城北京首映憶亡母一度哽咽 分享人父心情盼陪伴女兒快樂成長

郭富城呢日現身北京出席新戲《來自汪星的你》首映禮，今次城城喺戲中飾演一位單親爸爸，陰差陽錯之下變成一隻狗，繼而以狗嘅身份繼續陪囡囡長大，電影既奇幻又溫暖，亦令城城有好大感觸。出咗名孝順嘅城城，喺首映禮上提及媽咪離世時自己唔喺香港，呢件事喺佢好大嘅遺憾，自己喺夜闌人靜嘅時候都會難過，講講下城城仲一度哽咽，台下嘅媒體即刻以掌聲送上鼓勵。

之後城城更分享為人父嘅心情，佢話人生短暫，所以要識得活在當下，而自己無論工作幾忙，都一定會抽時間陪兩個寶貝女，希望佢地可以喺父親嘅陪伴下快樂成長。