蘭子爆因「爭仔」嬲足閨密20年 陳淽菁憶《壹號皇庭IV》遇陶大宇歐陽震華難忍笑

蘭子陳淑蘭及陳淽菁噚晚作客伍Sir（伍仲衡）同周國豐主持嘅網上節目《週五有周伍》傾足3粒鐘，性格樂觀又正面嘅蘭子同伍Sir在場，令淽菁好放鬆地暢所欲言，淽菁外表一直予人硬朗同斯文嘅感覺，原來佢一拍埋蘭子身邊就變得開朗健談，蘭子更爆同好友淽菁爆2011因一事嬲咗對方，有一段時間冇往來，後嚟先冰釋前嫌。

蘭子及陳淽菁噚晚作客伍Sir同周國豐主持嘅網上節目《週五有周伍》傾足3粒鐘。

蘭子當年係淽菁與大律師張錦榮嘅「紅娘」，蘭子大爆原本先介紹一位女歌手畀張錦榮認識，後來蘭子感覺淽菁先似係對方嘅Mrs. Right，促成呢段好姻緣。

蘭子同淽菁當年因「爭仔」祈文傑嬲咗對方，有一段時間冇往來。

蘭子同淽菁當年因「爭仔」祈文傑嬲咗對方，有一段時間冇往來，蘭子笑指二人冇鬧交，只係自己「潑婦罵街」喺專欄講明憎閨密淽菁，淽菁記得睇完內容後，就知係一位圈中人挑撥離間，令二人友情生變，當時有位圈中人傳淽菁講「如果我鍾意祈文傑，祈文傑一定唔會揀你」，佢哋廿年後先化解誤會，蘭子主動向淽菁道歉。

前輩陶大宇同歐陽震華呢位個搞笑之人，一cut機就喺現場大笑。

淽菁拍《壹號皇庭IV》飾演大律師Rachel，剛入行拍劇嘅淽菁面對前輩陶大宇同歐陽震華呢位個搞笑之人，一cut機就喺現場大笑，令佢有時連唔同戲，淽菁讚監製鄧特希好神乎其技，就算現場「飛紙仔」，不同分場出嚟效果做到好似砌拼圖咁講故事，又愛喺《壹號皇庭》、《妙手仁心》系列揀英文歌放入劇集，令劇集睇落更吸引！

蘭子直認曾鍾意吳大維，不過佢爆拍《富貴開心鬼》接吻戲前食洋蔥同蒜頭。此外，蘭子直認曾鍾意吳大維，不過佢爆拍《富貴開心鬼》接吻戲前食洋蔥同蒜頭，蘭子笑言討厭佢，之後二人亦有繼續做朋友，而淽菁直認拍劇試過鍾意對手譚耀文，所以淽菁婚後冇拍劇，反而現時拍劇就識抽離角色。