電影泉攻略丨九龍城寨之圍城製作特輯 岩井俊二專訪分享愛情電影觀丨EP98

王鎮泉 Jeoffrey  每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。 

近日有傳羅拔唐尼鬆口對再次扮演Iron Man無任歡迎，而早前Marvel Studios總裁Kevin Feige指唔希望破壞鋼鐵奇俠於大家心中英勇犧牲印象之說，就似乎有機會180度改變喇，到底Iron Man係咪真係有機會再現幕前，大家就要拭目以待喇。

今個星期新片包括有《美帝崩裂》，講述美國內部矛盾日益增長之下，最終爆發史上最大規模內戰，19個州份宣佈獨立組成反抗勢力，同政府開戰，一班戰地記者不顧自身安危穿越戰火，趕及喺反抗軍殺入白宮前，搶先抵達首都，為全美人民紀錄報道戰事真相。

目前為止韓國票房最高作品《破墓》，講述一名薩滿巫師接受巨額委託，遠赴美國為富豪家族嘅初生兒驅魔治病，仲認為係因為富豪祖墳所致，決定以血祭破墓儀式試圖為該家族改風水改命運，但係就意外釋放埋藏於地下百年嘅秘密邪惡力量。

仲有動畫劇場版《排球少年！！垃圾場的決戰》，日向翔陽加入烏野高中排球社之後，同影山飛雄組成黃金拍檔，絕技怪人快攻更加殺遍各大高中球隊。不過同音駒高中爭奪代表決定戰就要展開一場激烈較喇。

於第77屆康城影展「午夜展映」單元播出嘅《九龍城寨之圍城》下月上映，新片由 古天樂、洪金寶、任賢齊、林峯、劉俊謙、黃德斌 等猛男參與演出，導演 鄭保瑞 同一眾功臣喺製作特輯分享點樣拍攝呢個香港一代著名地標嘅大量動作戲份同人與事。 

影人Talk就邀請到《情書》日本著名導演 岩井俊二 分享，自90年代已加入影圈拍攝唔少全球大受歡迎砲影作品嘅佢，坦言拍攝電影並唔輕鬆，不過自己痛苦並快樂地沉醉當中，但係對目前越來越興起嘅短片熱潮，佢就認為可以邊享受滿足感邊製作心中嘅理想作品，所以鼓勵大家可以盡情嘗試。

《情書》等作品令大家猶如投入劇中嘅愛海一樣，而導演就認為自己係觀察者，雖然唔同地方嘅愛情有所分別，不過自己會努力拍攝令各地嘅大家都會有共鳴嘅作品，因為佢認為戀愛係出自內心嘅單純感覺。