林溥來公開表示想娶多幾個老婆？ 何泳芍稱會係Patrick Sir最後一集

J2 長壽節目《開卷》今集節目一開始，林溥來Patrick Sir 就拋出一個頗有哲理嘅問題，佢假設︰「已知未來嘅你 100 歲時，身體機能同 30 歲無分別，咁你現在會有咩轉變? 」何泳芍Honey 表示會生好多小朋友，到將來可以同兒孫一齊玩同生活；伍韻婷Juliana 就話會更加慢活，多睇幾本書；至於學霸涂毓麟 Oscar 依然熱衷追求知識，會選修讀唔同學科增進知識。
Patrick Sir 竟然公開咁話想娶多幾個老婆？！
而提出問題嘅 Patrick Sir，花式自殺式回應︰「想娶多幾個老婆，因為太多時間。」在場幾位主持聽到都露出震驚表情，Honey 更揚言︰「呢集應該係佢最後一集……」 
Honey話Patrick Sir應該錄唔到下一集。
Patrick Sir 作上述假設係想帶出今集介紹嘅書《可不可以不變老？喚醒長壽基因的科學革命》，作者分別係 Matthew D. LaPlante 及 David A. Sinclair，Patrick Sir 表示︰「David A. Sinclair 係美國哈佛大學醫學院終身教授，從事逆齡、抗衰老研究數十年，佢自己都接近 60 歲。」佢解釋推介呢本書嘅緣起，同近日坊間嘅營養產品都全力推介 NMN（煙醯胺單核苷酸）有關。呢款元素差啲被捧為現代「長生不老」藥，而最先出 NMN 功效嘅，正是《可不》呢本書，佢補充：「簡單啲講人老是因為細胞衰竭，唔想變 老就要修復細胞。」而據稱 NMN 可以改善線粒體（Mitochondrion）老化，提供足夠營養 活化細胞。不過 Patrick Sir 同時提到書中亦講明 NMN 並非萬能，要靠運動同健康嘅生活配合，無垂手可得嘅青春。
 00101.jpeg
此外， Juliana 同 Honey 被要求介紹一本書比「一位不認老的人閱讀」，Juliana 推介的作品為《How to grow old》；而 Honey 直言自己亦不肯認老，早前便受到一位小妹妹講「唔該晒姨姨」打擊，笑言未 ready 接受之餘，她介紹了《我想看妳變老的樣子︰明天的女人，比昨天的女孩更精采》，單看書名已夠吸引。 

《開卷》逢星期一  22:05  J2 82台