早D知早D醫丨洪永城自封電視城醫生中介人 宋宛穎查詢乳房自我檢查手法

洪永城率領幾位靚女何沛珈、宋宛穎同魏韵芝主持嘅醫學資訊節目《早D知早D醫》，將會喺4月22號推出，四位一齊現身為節目宣傳，都話汲取咗好多醫學知識，Tony話自己影咗一個眼底相，呢張相可以檢查到好多健康問題，嗰日就檢查咗佢有冇腦退化症。Sabrina就有向一位乳癌科嘅醫生，詢問一啲喺屋企都做到嘅自我檢查，如果摸到有異樣就一定要求診。

透過節目，令佢哋認識咗好多專業人士，從而令佢哋更關心身體健康，定時檢查身體。Tony就話自己想做電視城嘅醫生中介人，如果同事有身體不適，先同佢講，再等佢轉介畀相關醫生，但係中介會抽少少手續費，此該即刻令靚女拍檔們起哄，Tony強調呢個搵錢大計係搵奶粉錢。佢又話問醫生拎電話，主要目的係為咗家人，將來有咩需要就可以詢問。佢又話健康身體係非常重要，如果唔係由邊位畀保險費同學費。