Grand住去台北｜C君與主持帶觀眾豪華遊 有幸品嚐成萬元一碗牛肉麵

周奕瑋（Jarvis）、黃翠如、C君(鄭詩君)主持嘅旅遊節目《Grand住去台北》將於4月20日首播，節目主打豪華遊台北，為觀眾介紹當地好食、好玩、好去處。三位主持因為拍節目而大飽口福，C君念念不忘一碗成萬元台幣嘅牛肉麵，坦言雖然聞名已久，若非拍攝節目自己未必會去品嚐，笑指公司應該開多啲同類旅遊節目。

C君喺台北之旅唔單止享受，作為音樂人嘅佢最大收獲可以同當地原住民音樂人結下緣分，已經互相交換聯絡，期等日後音樂上交流合作。稍後C君會同陸永合體變返《農夫》開騷，計劃重返組合第一個做騷場地演出，現時積極籌備當中。

C君同翠如呢對大唔透嘅孖寶一拍住，就爆發妙語連珠嘅笑彈，而C君慶幸有Jarvis喺度：「翠如一直都恰我，好彩有Jarvis平衡吓，唔係真係頂唔順翠如，依家翠如可以恰吓Jarvis，我又可恰吓翠如，好似鬥獸棋一樣。」