羅毓儀回復單身後出席活動 預告五月將推出新歌

羅毓儀 早前宣佈同拍拖4年嘅男友分手，回復單身嘅佢，呢日出席一個推廣運動文化活動，心情似乎無受影響，睇嚟佢已經走出分手嘅傷痛喇。喺活動上，Yuki除咗示範做運動之餘，亦同大家分享自己平時嘅運動習慣，佢話自己都好鐘意做運動，但因為怕寂寞，所以對社交型運動會比較有興趣，仲話大班人一齊做運動，動力都會大啲，亦會無咁懶散，而佢嚟緊亦會報名參加1km水槍戰。

雖然Yuki情場失意，不過事業得意，呢日佢就好開心宣布，繼上年8月推出首支單曲後，即將喺5月再出新歌，不過呢次嘅曲風，就唔再係日系搖滾，而係走清新路線，相信一定會帶比樂迷新鮮感。Yuki話嘗試新曲風，喺表達上亦都唔太難，因為做歌時，都有同填詞人傾好想表達唱嘅訊息，所以出嚟嘅效果都相當滿意，所以佢都好期待新歌推出呀。