湯洛雯生日Party公開合照訊息滿瀉 朱千雪蛋糕有暗示蔣家旻公開攜伴參與

下個星期一就生日嘅 湯洛雯 ，喺社交平台Post出同一眾好姊妹開Party慶祝嘅合照，除咗壽星女同老公 馬國明 之外， 岑杏賢 仲有即將臨盆嘅 朱千雪 同 蔣家旻 亦都齊齊雙雙對對參與，齊齊曬幸福。

呢個Post蘊含嘅資訊夠晒豐富，除咗為靚湯慶祝生日之外，仲包括即將升呢媽咪嘅朱千雪收到寫住「Welcome Baby」同粉藍作為主色嘅蛋糕，被視為暗示BB性別。而同場嘅Angel亦同男伴公開合照，同樣大受大家祝福呀。

而靚湯之後亦再喺限時動態出Post，標題寫明：「幾時學識呢啲嘢㗎你？ 」，喺餐廳食完嘢嘅靚湯甜笑望鏡，而掌鏡嘅馬明就突然俾手向太太造半個心心，氹到靚湯隨即亦伸手圓滿呢個充滿愛嘅心型，再向鏡頭冧笑獻吻，真係睇到都肉麻又羨慕呀。