湯洛雯37歲生日放閃勁甜蜜 讚老公馬國明：謝謝你為我改變

馬太！生日快樂！噚日5月6號係湯洛雯37歲正日生日，愛妻號老公馬國明梗係放低手頭工作，全日陪住太太慶祝，靚湯今日（7號）就喺社交平台分享自己生日嘅放閃片段，見到馬明載住壽星女周圍去，又去五星級餐廳睇住維港海景High Tea，又花心思準備鮮花，再安排高級餐廳撐枱腳，仲要喺鏡頭前向靚湯講「I Love You」，氹得太太好冧。

噚日5月6號係湯洛雯37歲正日生日，愛妻號老公馬國明梗係放低手頭工作，全日陪住太太慶祝。

獲萬千寵愛嘅靚湯喺帖文大讚老公，指老公馬明唔係一個會畀別人驚喜，更唔算係一個浪漫嘅人：「但是他就是那一種只要你跟他說過，他便不會忘記，嘗試努力做好的另一半。謝謝你為我改變，這已經是最好的生日禮物。」字裏行間充份感受到靚湯甜在心頭，同埋馬明完全係令好老公嘅典範。
蔣家旻日前偕男友賀湯洛雯生日，朱千雪持藍氣球揭佗B仔。鐵馬家族生日會，林子善爆唐詩詠為湯洛雯撲蛋糕！