舉行深圳演唱會唱盡經典作 李宗盛曾與劉若英分享舞台經驗

李宗盛創作過無數經典金曲，呢日佢喺深圳舉行一連兩場演唱會，以一首一首嘅作品，同大家分享自己嘅音樂之路，當中最為人熟悉嘅當然唔少得《寂寞難耐》呢首歌啦，真係所有回憶都返晒嚟呀。

大哥嘅作品捧紅過無數歌手，要數到最具代表性嘅，張信哲一定榜上有名，呢晚大哥就同觀眾一齊大合唱《愛如潮水》，真係相當震憾。

大哥作為樂壇大前輩，當然好樂意同後輩分享經驗，就連劉若英開演唱會前都特登問大哥攞意見，大哥話奶茶問佢，上台時會唔會緊張? 佢話自己好緊張，於是大哥就同佢講，首先要調整好自己嘅心態，因為台下嚟睇你演出嘅都係喜歡你嘅人，所以你只要努力去唱，即使一時間忘詞，大哥話其實都無咩所謂既。