文凱玲新婚個多月 肚凸凸宣布懷龍B

文凱玲上個月中出嫁成為龍年新娘子後，新婚唔夠兩個月，Connie又傳嚟好消息懷有龍B。喺Connie既近照所見，佢個肚已經明顯隆起，目測至少懷孕四個月以上，上圍亦比出嫁時更加豐滿。準媽媽亦四出購買同BB有關嘅物品，為迎接小生命做足準備。

文凱玲宣布懷龍B。

Connie話自己由細到大都好鍾意BB ，細個仲諗18歲就要生第一個，結果28歲38歲都未有。幾年前訂婚之後就已經開始計劃生BB，但係又諗住想結咗婚先，因為疫情同工作關係一等又再過咗幾年。
為BB入定貨。
講到咁快就有BB，Connie就話聽好多人話唔係想有就有，所以籌備婚禮嘅同時亦都開始造人計劃，結果好快就有好消息！屋企人都好開心，阿媽成日都煲湯俾我飲，奶奶準備咗好多BB衫同書。由於最近個肚越嚟越明顯，Connie都收到好多人送上恭喜，同埋教佢問點樣備孕。
Connie嘅肚越嚟越大。