《中年好聲音》中一生搞畢業周年飯局 齊睇支嚳儀首支MV首播

《中年好聲音》中一生話咁快已畢業一周年！一眾中一生喺呢個特別日子相約飯敘，氣氛相當熱鬧。呢晚係支嚳儀（Venus）首支個人單曲《Gotta Try》嘅MV首播嘅大日子，大家同Venus一齊睇完首播後亦分享自己喺今年想嘗試做嘅事，周吉佩希望開個人演唱會、李佳望出新歌、林鉫徫就想嘗試音樂劇等。
 
Venus由少女時代開始追逐歌手夢，眨吓眼已成為熟女辣媽，如今夢想成真擁有自己嘅個人歌同MV令佢特別興奮，甚至喺拍MV前一晚瞓唔著！Venus又形容新歌曲風易記入腦，歌詞更自己追夢經歷相當貼合，令佢喺唱嗰陣諗返起自己衝破重重困難。
 
Venus同妹妹一向姊妹情深，加上妹妹亦一直係Venus嘅追夢見證人，所以喺Venus拍MV呢日，佢都有現身為家姐支持，令Venus相當感動。