Grand住去台北｜黃翠如 周奕瑋嘆牛肉麵瘋狂打卡 與C君入住「舒淇房」Chill住享受

黃翠如、周奕瑋（Jarvis）同C君主持嘅一共兩集綜藝節目《Grand住去台北》，喺27號晚播出第二集，3人繼續以「相愛相殺」互寸方式，帶領觀眾體驗台北不一樣嘅豪華體驗。
黃翠如、C君 同 周奕瑋，繼續以「相愛相殺」方式，帶觀眾體驗台北不一樣嘅豪華享受。
呢集將會介紹一間位於五星級酒店中，由擁有25顆米芝蓮星嘅名廚Olivier Elzer，於去年9月創辦嘅法國休閒餐廳，主打親民價錢享用高級法國菜，人氣菜式包括香料鮪魚、松露雞肉慕斯、法式田螺、炭烤牛肋眼、香烤玉米雞、綜合香料鮮蝦黑米燉飯，合共不用1,200港幣，絕對是性價比極高之選！
佢哋去咗食唔少好西。
嚟到台灣又點可以唔品嚐一吓傳統牛肉麵呢，節目會介紹價值1萬台幣（約2,550港幣）嘅元首牛肉麵，無論賣相同價錢都最驚艷，呢碗麵由三層湯底融合而成，下層冷凍啫喱淡湯、中層濃湯、上層是炒過的紅燒湯，食到三位主持狂嗌Yummy之餘，翠如同Jarvis仲以手機影相瘋狂打卡。食客如果覺得價錢唔合意，店舖仲設有「入門版」招牌牛肉麵，一碗約125港幣，同埋另一款叫價約375港元嘅番茄牛肉麵供選擇，同樣係足料之選。
台灣傳統牛肉麵。台灣傳統牛肉麵。
3人又去到松山文創園一間耗資千萬台幣翻新、位於古蹟菸廠鍋爐房內的文青風咖啡店朝聖，咖啡店嘅飲品及甜品包括標誌性嘅煙囪拿鐵、台式鴛鴦「東映舞美」、松菸招牌雪茄tiramisu同樣十分「打卡able」，其中被視為店中頂級飲品嘅藝伎玉白蘭地，係同亞洲五十大酒吧主理人攜手合作，咖啡配以白蘭地調配而成，C君話：「一間煙廠變成咖啡店，而間咖啡店最尾又整番雪茄嘅甜品，呢樣嘢我稱之為『輪迴』。」
好似好爽咁。出浴照！
除咗豪飲豪食之外，3人仲去到北投一間五星級溫泉酒店入住「舒淇房」，房間設有露天私人浴池，價錢45,000台幣（約11,250港幣）一晚，由於房間第一位客人係舒淇，而佢每次嚟度假都只會入住呢間房，所以得此命名。製作組更為大家呈獻「舒淇房」Room Tour，密切留意27號晚《Grand住去台北》。

《Grand住去台北》第二集 於27號 星期六 21:00 翡翠台播出。