魚毛余慕蓮入住護老院 林建明探望解構原因

善心滿載嘅魚毛姐余慕蓮近年身體狀況都令大家關注，自從2020年10月底因肺纖維化，病情一度危殆需要入住深切治療部。性格豁達嘅魚毛姐經過醫護悉心照顧，喺2021年4月經已出院回家，近年亦不時現身朋友聚會，舊年初仲獲古天樂頒發「傑出演藝大獎」。
大姐明發帖文表示去探余毛姐。
一直喺屋企有工作照顧嘅魚毛姐，近日入住護老院，大姐明林建明日前就去探望好友，仲喺社交平台分享魚毛姐喺護老院情況，原來今次住護老院，係因為魚毛姐嘅工人姐姐放大假 1 個月，所以暫時去護老院暫住一個月，因為怕一個人喺屋企會跌倒而無人照顧。

大姐明去探余毛姐。
大姐明仲寫上「我今天特地去探望魚毛，之前問她有什麼需要帶給她？她說什麼也不需要了！於是我就只有帶一梳蕉啦！見她一切安好，地方也不錯！待她工人姐姐回來後，再約她去飲茶啦！」

大姐明笑言帶咗梳蕉去探對方。
見到大姐明分享咗魚毛姐現況安好，相信愛錫魚毛姐嘅朋友都安心晒。

余毛姐精神唔錯。