伍韻婷憶述母親過身後家庭矛盾 渴望修補同父親弟弟疏離關係

以推介好書為宗旨，由 林溥來  何泳芍 伍韻婷 同 涂毓麟 主持嘅《開卷》，改為逢星期日晚19:30 喺TVB Plus播映。聽晚播出嘅一集，Patrick Sir會推介小說作品《車上的女兒》，25歲嘅作者 宇佐見鈴 ，藉書中女孩佳佳帶出家人之間嘅矛盾同親情。

《開卷》將改於星期日全新時段播出

而Juliana對小說內容感同身受，佢話︰「媽咪過咗身之後，我同弟弟、爹哋關係完全變咗，嗰時弟弟12、13歲覺得媽咪死係唔理佢。而家我哋感情好疏離啦，聚會嘅時候都好想好似一家人咁，但又唔知點開始。」

Juliana喺節目回憶起母親離世後嘅家人相處問題
 
本集嘉賓就請到《出租家人》嘅導演 劉偉恒 ，佢為大家推介書本係Jerry Saltz作品《如何成為藝術家》，佢引用書中所講「不要擔心是否合理，你的作品越快展露意義，人們會越快失去興趣……」Patrick Sir乘機抽水，笑指Juliana可以將同樣道理套用喺男女感情上，Juliana都好認同︰「女仔係鍾意神秘感……」想知道Juliana會點反擊，就要密切留意全新時段播出嘅《開卷》。

《出租家人》嘅導演劉偉恒呢集亦會同大家分享好書

《開卷》逢星期日晚 19:30 TVB Plus(82台)