胡杏兒首與大仔Brendon母子檔合拍珠寶廣告有型又溫馨

5月12號就係今年嘅母親節，現今事業型媽媽俯拾皆是，好似身為三子之母嘅胡杏兒，就係演藝界之中將家庭同事業同樣處理得非常好嘅Super Mum喇。婚後兩年誕下長子Brendon嘅杏兒，近日獲珠寶公司邀請母子檔上陣拍廣告，仲係佢哋首次一齊工作。

杏兒同似足爸爸嘅大仔Brendon合作拍珠寶廣告身為三子之母嘅杏兒仲話呢次經驗非常溫馨有趣

經常香港、內地兩邊走嘅杏兒，曾因為要工作而帶同小朋友齊齊出發，今次佢特別同「小情人」長子Brendan首次登場，就令佢非常雀躍喇：「今次係我同Brendan第一次拍攝正式嘅廣告，加上係母親節主題，我特別鍾意呢次概念，好有藝術感又好有型，好值得紀念！」杏兒仲大讚今次示範嘅珠寶首飾唔同打扮都非常適合。