芷珊約您｜草蜢跳爆舞台40載 芷珊追到高雄分享內心感受

黎芷珊 主持嘅《芷珊約您》跟住幾位歌手好友走訪唔同地方，直擊佢哋嘅演唱會後台禁地，同佢哋打開心窗真情對話，早前就分別同溫拿樂隊仲有張敬軒一齊到大馬同美國演出喇。而今個星期日，芷珊 就會約埋成軍近40年嘅 草蜢 到高雄，深入小巨蛋目擊綵排情況。

身為世上少見嘅資深唱跳組合，芷珊就體驗到三子同佢哋歌迷一樣嘅瘋狂同熱情，傑仔、阿智同蘇老闆亦都有分享佢哋嘅經驗，亦對其他嘉賓嘅幕後情況一樣非常有興趣咁話。

而專訪期間傑仔仲一度落淚，非常感觸，芷珊就澄清並無專登整喊嘉賓喇。