震驚！郭晉安歐倩怡宣布離婚 兩人分居兩年決定結束18年婚姻

郭晉安今晚（2號）喺無預警下，於社交平台宣布同歐倩怡結束18年婚姻，安仔帖文寫上：「感恩曾與你一起走過的歲月！自兩年前起我們已經分開生活了，經過雙方深思熟慮及溝通，最後，我們決定離婚了。這個決定是無奈及艱難⋯⋯感恩我們也曾經為彼此付出過，為家庭努力過，最後寄予妳最大的祝福！」Cindy喺11分鐘後，亦喺社交平台帖文，內容大致相同，只係最後一句換上「給予彼此最大祝福」。
二人於社交平台公佈離婚消息。
二人喺1999年拍攝旅遊特輯而認識，雖然佢哋年紀相差15年，但一直甜蜜恩愛。相戀7年後，2006年7月22號喺香港迪士尼樂園舉行婚禮。2008年3月23號，Cindy為安仔誕下長子郭令山，三年後再誕下女兒郭以雅。

婚後Cindy專心相夫教子，同時亦不斷進修，剛修畢體育及運動營養學碩士學位，佢亦將自己所學知識，參與相關幕前健康資訊工作。安仔婚後專心幕前工作，但近年甚少見到分享一家四口生活照。