蔡琴入行45周年紅館開騷 嘆年邁母親未能來港欣賞

蔡琴將於5月尾喺紅館舉行兩場香港站演唱會，適逢係佢入行45周年紀念，不過佢講笑話大家唔好一直提醒佢，已經唱咗45年，佢亦唔會永不言休，最好可以相聚就好好珍惜。

蔡琴將於5月尾喺紅館舉行兩場香港站演唱會，適逢係佢入行45周年紀念，不過佢講笑話大家唔好一直提醒佢。

母親節將至，每次演唱會必成為座上客嘅媽媽，因為年紀大唔方便來港欣賞佢嘅演出，呢個係蔡琴姐姐最大嘅遺憾，講到佢會唔會喺台上揀一首歌特別獻畀媽媽? 佢就話應該唔會，因為擔心自己會喊影響演出，佢表示媽媽年紀大，疫情後就開始身體唔係咁好，目前住喺台灣老家，「我本來叫佢搬嚟同我住，老人家其實最需要係陪伴，但係佢唔肯，就係鍾意留喺以前同爸爸一齊住嘅老家，習慣咗舒服。疫情時最擔心我係媽媽，因為我係屋企嘅經濟支柱，我就同佢講叫佢唔使擔心食飯嘅問題，永遠唔使擔心。」

母親節將至，每次演唱會必成為座上客嘅媽媽，因為年紀大唔方便來港欣賞佢嘅演出，呢個係蔡琴姐姐最大嘅遺憾。

問到蔡琴姐姐小時侯，有無自製過禮物畀媽媽？佢話: 「當然有，我曾經為媽媽畫過『麻姑獻壽』嘅畫作禮物，當年好犀利，每個人嚟我屋企都大讚，你哋屋企嘅蔡琴咁識畫畫，幫我畫一張，結果成條村都嚟叫我畫『麻姑獻壽』，我媽收到過百個邀請呀。」

今年係蔡琴入行45周年，一個難得嘅紀念，蔡琴姐姐表示並冇諗過大事慶祝。

今年係蔡琴入行45周年，一個難得嘅紀念，蔡琴姐姐表示並冇諗過大事慶祝，大家最好唔好提醒佢已唱咗咁多年，「我最近成日諗係唔係要再唱下去呢個問題? 心情上都好予盾，而家身體係唔錯，我嘅聲帶肌肉有專業醫生教我點操練，如果有一天我覺得自己唔可以達到自己設定嘅基本要求，我就考慮唔再唱，因為我最唔鍾意係已經老態龍鍾，但自己仲唔覺得。我希望留下畀大家嘅，都係最好嘅印象。」