乃木坂46香港演唱會期待食蛋撻雲吞 預告派「福利」拍片感謝歌迷支持

日本人氣偶像團體乃木坂46繼2018年後二度登陸香港開騷，門票一開售幾近爆滿，乃木坂46 成員再次特別為香港歌迷拍片答謝，成員表示希望來港嘆美食。


日本人氣偶像團體乃木坂46繼2018年後二度登陸香港開騷。

今次係成員遠藤櫻、賀喜遙香、田村真佑拍片，佢哋就話知道香港美食好吸引，未食過嘅嘢都想挑戰一下，包括蛋撻及雲吞應該好好吃，佢哋興奮期待嘆完美食之後，就精神奕奕舉辦演唱會。
而佢哋對香港印象就係知香港夜景好靚，同時第四期生嘅黑見明香喺香港出生，佢哋相信黑見明香對香港好熟，到港之後可以帶畀佢哋好多香港唔同嘅小知識，三人異口同聲表示: 「很難得有這個機會跟香港粉絲見面，我們會全力以赴，做一個最棒演唱會，請各位好好期待。」

乃木坂46 演唱會 2024 - 座位表

大會主辦亦公佈讓粉絲興奮好消息，買到購買 $1888及 $1388門票嘅幸運兒更有機會參加「搶福利」，木坂46為大家準備嘅「福利」超過200份，包括每位入場觀眾均可隨機得到乃木坂46港版限定小卡、限量親筆簽名海報及有機會於演唱會後以小組形式跟乃木坂46成員大合照留念！