馮盈盈超低胸打扮艷壓時裝比賽 自爆返學打扮減齡融入00後

馮盈盈呢日一身超低胸打扮現身一個時裝設計比賽頒獎典禮，有份擔任評審嘅盈盈面對眾多優秀作品都覺得好難揀出得奬者。不過盈盈覺得有份作品好有意思，因為同自己讀嘅科目好有共鳴:「有一個作品用咗生物學理論嚟設計，同我自己讀開嘅營養學好有共鳴。」

最近作為學霸嘅盈盈不時拍片分享讀書心得，亦有分享心身靈健康資訊，早前因為情緒受困一度停工嘅盈盈對呢方面特別有研究，加上修讀營養學嘅碩士課程，所以佢呢日分享有助於紓壓嘅食物:「有啲食物係增加血清素嘅食物，例如黑朱古力或香蕉，有助於減壓希望幫到大家。」

近年盈盈重返校園繼續進修，就快三字頭嘅佢同一班00後同學仔相處得多，令盈盈返學打扮受到改變，佢話為咗融入00後校園生活，自己返學時都作減齡衣著，以Y2K風格打扮。入行後嘅盈盈特別留意時尚資訊:「平時我會睇唔同嘅雜誌了解唔同嘅潮流，或者Window Shopping睇下最hit嘅Items(最熱門嘅衣著)偷師。」