逆天奇案2｜林夏薇披嫁衣晒完美Body 馬國明金師爺上身亂入送彩蛋

劇集《逆天奇案2》喺10日晚播映大結局，之前一集高潮迭起，冠峰（方力申飾）Big Boss身份終被揭穿，Ana（馮盈盈飾）成功解密未婚夫Daniel（高鈞賢飾）電腦，發現冠峰真正身份就係Perses！森Sir（陳展鵬飾）同Nic Sir（黃智賢飾）隨即帶隊到大學拘捕冠峰，冠峰藉住同學生做羊群心理實驗時，成功逃過追捕。

盈盈成功破解高鈞賢電腦嘅密碼，小方嘅底牌終於被揭穿。

另邊廂，被魏子樂（張頴康飾）禁錮嘅悠倩（劉佩玥飾）出盡辦法成功逃走。後來森Sir同Nic Sir接報到中環核心地帶某大樓天台處理懷疑炸彈案，該炸彈是攜帶核輻射物質的骯髒彈，一旦引爆會造成大規模傷亡。與此同時，Big Boss子樂在網上上載影片承認責任，誓要全香港同佢老婆陪葬。

張頴康故意放走劉佩玥。

女主角阿Wing林夏薇與展鵬重修舊好，仲一次過換上三款婚紗，有前後Deep V、露肩及入膊式露背高衩婚紗。出名身材好嘅薇薇完美Carry三款不同類型嘅嫁衣，大晒白滑香肩、完美玉背和無敵長腿，非常搶眼。

Big Boss 張頴康癲到放骯髒彈，誓要炸爆中環為太太報仇！

大結局嘅一集更加精彩，由於骯髒彈輻射量實在太大，負責拆彈嘅兩位專家不敵輻射當場斃命，好彩Ana喺暗網搵到拆彈方法，不過上天台拆骯髒彈嘅人一定會中輻射身亡，森Sir同Nic Sir為咗拯救香港決定以身犯險，兩人最終決定擲公字決定邊個做「死士」！

薇薇靚靚婚紗，露背又露長腿，咁索得唔得㗎？

呢集仲有三位重量級人馬驚喜客串送彩蛋，分別係《逆天2》總監製劉家豪、家豪哥太太梅小青同視帝馬國明。《逆天2》係家豪哥榮休之作，現實中恩愛到爆嘅佢哋喺劇中竟然「擘面」對簿公堂，火藥味十足。至於視帝馬國明將化身《法言人》「金師爺」玩亂入，兼重現《法言人》經典金句，將兩大IP劇《逆天》X《法言人》夢幻聯乘。

陳展鵬同黃智賢究竟邊位會做死士呢？家豪哥同太太驚喜客串，更會對簿公堂。梅小青驚喜客串！馬國明化身《法言人》「金師爺」亂入！兩大 IP《逆天》x《法言人》夢幻聯乘