神耆小子丨拆散蕭正楠姻緣結怨 鄭則士曬肚腩郁手郁腳獲封中年最好聲音

鄭則士（Kent哥）同蕭正楠（Edwin）咁激動郁手郁腳呢幕，仲要連Kent哥嘅肚腩仔出埋鏡，呢幕就係新劇《神耆小子》第二集嘅精彩場口。

劇中除咗靈魂人物Kent哥爐火純青嘅演技吸引，同埋有趣嘅劇情。飾演零食集團CEO錢大海嘅Kent哥喺被綁架受傷後，投靠Edwin同冼靖峰（Archie）兩父子嘅家門，搞到大家貼錯門神咁，Edwin講笑話睇吓Kent哥傷到包住個頭，就知幾大仇口，而佢哋結怨就嚟自Kent哥破壞女兒同Edwin嘅一段情。

Archie同Edwin嘅表現除咗獲Kent哥大讚，估唔到令Kent哥有所得着，原來佢喺兩位歌手身上學唱歌，Archie仲預告Kent哥喺劇中會開金口，Edwin形容為中年最好嘅聲音。