【市民/行人路/曬通心粉/網民/作用/食物/健康/風險】一名男網民日前在Threads上載一張照片，只見有人將大量未煮熟的通心粉，鋪在單車徑旁的行人路上。
對此，事主不禁感到困惑：「究竟將未煮過嘅通粉曬完有咩功效？唔識就問。」
網民：增加風味
不少網民看到照片後，分析這樣做的因由，亦有人質疑路面有很多細菌，「正常唔會就咁擺地下曬㗎喎，以前我公公帶我去曬米，都會用米袋鋪住地下咁曬」、「係咪有穀牛攞去曬？但鋪晒落地下好核突」、「去濕，通粉翻曬，可以將入面嘅水分蒸發晒，陽光嘅熱力會將通粉嘅分子結構改變，變成可以吸納熱力嘅結構」、「食落有沙，有口感啲」、「食咗百毒不侵？條街又吐痰，又狗屎、狗尿，又落雨，又近坑渠」、「吸收地上留下嘅狗屎、狗尿味，增加風味」。
食物路邊曬乾吸4大有害物質
香港大學化學系博士K Kwong（鄺士山）曾警告，將食物放在路邊曬乾，容易接觸到4大有害物質，其一是街上有沙塵，裡面含有二氧化矽、矽酸鈣、碳酸鈣；其二是有車胎碎，內含抗紫外光劑、碳粉、穩定劑；其三是有金屬微粒如鐵、鉻、鎳；其四是不完全燃燒的汽車燃料產物，如多環芳香族烴，吸入後或會對人體有害。
K Kwong提醒應把食物放在「正確位置」曬乾，因路邊有太多不同物質，如附在食物上再吞下可能會對人體有害，直言「唔見得食咗有益」。
【延伸閱讀】