許多香港人以為視力模糊或近視度數突然加深，只是眼睛疲勞或需要換眼鏡，其實這可能係早發性白內障嘅先兆。台灣澄清眼科總院長吳孟憲醫生指出，成年後近視度數本應穩定，如果突然惡化，或視力霧霧哋，很大機會係水晶體混濁引起。尤其高度近視一族，風險更高。眼科醫生呼籲，出現視力變化要及早檢查，守護眼睛健康。
白內障非長者病 香港有年輕化趨勢
白內障係眼睛水晶體混濁，令視力變模糊。以前多數65歲以上的長者才會患上，但近年因生活習慣改變，如長時間用電子產品、藍光刺激同紫外線曝曬，加上香港近視人口多，白內障明顯年輕化。
香港大學研究顯示，全港成年人白內障發病率約30%，70-79歲長者高達70%，但50-59歲已達22.4%。本地眼科醫生觀察，40-50歲患者不斷增加，甚至30多歲都有案例。
600度或以上近視 白內障高危
高度近視（600度以上）係主要風險，因為眼軸拉長，加速水晶體老化。加埋糖尿病、吸煙或長期用類固醇藥物，都會令白內障提早出現。
甚麼是「早發性白內障」？
台灣澄清眼科總院長吳孟憲醫生指「早發性白內障」多發生喺40-50歲，主要同高度近視有關。吳孟憲醫生解釋，眼軸拉長會改變眼內環境，增加水晶體蛋白氧化同混濁風險，令老化速度加快。
初期症狀唔明顯，好易被忽略：
- 視力略為模糊，尤其閱讀或長時間用眼時
- 夜間睇燈光有光暈或刺眼
- 顏色對比度下降，看東西唔夠鮮明
好多人誤以為只係近視加深，反覆配鏡都唔改善，最後先發現係白內障。
視力模糊或近視加深 可能係白內障先兆
台灣澄清眼科總院長吳孟憲醫生指成年後度數突然上升（如短時間內加幾百度），或配鏡後視力仍模糊，很大機會係白內障引起。因為白內障嘅模糊係「慢性惡化」，唔係一夜之間，患者往往到影響工作先求醫。
三種情況要立刻求醫
吳孟憲醫生強調，唔好等視力嚴重惡化先行動。以下3種情況，建議即刻睇眼科：
- 突然看不清楚或視覺霧霧哋：尤其成年後近視度數明顯增加，配鏡都唔改善。
- 度數越配越高卻視力未好轉：反覆換眼鏡仍模糊，需懷疑水晶體問題。
- 夜間光暈、對比度下降影響生活：如夜間行路或駕駛吃力，閱讀時覺得累。
【延伸閱讀】
2026長者免費洗牙/杜牙根＋$500配假牙 社區牙科支援計劃1.1起新增4項服務 每項$50
甲亢｜《再見愛人5》李施嬅自爆獨自做4次眼科手術 甲狀腺異常致眼球突出 醫生解釋成因 中年女性高發
眼挑針 | 針眼處理不當損眼球 5大壞習慣細菌入眼 拆解4大迷思會傳染/可自己擠？附正確護理方法