脂肪唔一定係衰嘢，
要識得揀脂肪嚟食！
脂肪 、碳水化合物及蛋白質 一樣都係人類膳食嘅能量來源。脂肪是最濃縮嘅能量，每克提供9千卡能量。脂肪喺人體內亦有多項其他重要功能，例如運送脂溶性維他命A、D、E及K，以及構成細胞膜。
壞脂肪👎
飽和脂肪同反式脂肪會增加低密度脂蛋白(「壞」) #膽固醇，因而增加心臟病風險。而反式脂肪更加會減少高密度脂蛋白(「好」)膽固醇，必須避免！反式脂肪通常會喺牛肉羊肉及奶製品中搵到少量，工業生產的食品例如人造牛油、植物起酥油及烘焙/油炸食品就有超級大量！！
好脂肪👍
單元不飽和脂肪及多元不飽和脂肪係構成健康飲食嘅重要部分。應以多元不飽和脂肪及單元不飽和脂肪來取代飽和脂肪，可減少「壞」膽固醇。含豐富單元不飽和脂肪或含豐富多元不飽和脂肪嘅油較及較多油脂嘅魚類（如 三文魚）較為有益健康。
追蹤IG: Get Better Today，
跟你分享更多健康、醫療資訊！
以上資訊並不構成對一般情况或任何個別人士或病人個案的醫學建議、診斷或治療，亦不應取代專業醫學建議、診斷或治療。