【香港的士/的士司機/85折的士】香港的士司機與乘客之間爭拗不斷。早前有司機在Facebook「的士司機消息平台」群組發文，指有乘客召車要求「85折」優惠及收據，懷疑乘客態度欠佳，司機遂即「一招玩謝」乘客。該帖獲得1824個讚好和522則留言，不少網民大讚司機「有正義感」、「做法正確」；但亦有人不認同，認為司機的做法「損人不利己」。
85折的士乘客被司機出招玩謝｜事發經過
🔴 有的士司機於「的士司機消息平台」發文，貼出單據圖片。
🟠 單據顯示2025年10月13日早上6:30，乘客在元朗十八鄉一私人屋苑上車，前往港珠澳大橋香港口岸旅檢大樓。
🟡 乘客於訂單註明「公司價、綠的、要收據」。
🟢 的士單據上蓋有紅印，標明「乘客要求85折，實付$159」。
🔵 司機留言：「人不犯我我不犯人，係要犯賤嘅我就唔會客氣，睇吓你敢唔敢攞張單claim錢，哈哈。」
85折的士乘客被司機出招玩謝｜網民意見
✅ 有的士司機網民認為司機做法有問題。「就算我係的士佬都要小你，做埋D損人不利己嘅野，你咁有正義感做勿折頭的呀！」
✅ 有網民覺得司機合理處理。「八五call車，俾返張八五單佢好合理喎，呢行未就係俾你呢d xx搞衰。」
✅ 亦有支持司機拒幫乘客claim公司。「支持你呀，而家85做大左，唔做根本無野做，對呢種乞衣客唔需要講仁義道德。」
❎ 有網民認為乘客照樣可以claim，並無被玩謝。「點解唔敢claim？實報實銷有咩問題？」
❎ 有人擔心開錯收據司機乘客雙方涉及犯法。「85折俾正價單，司機同乘客都可能犯法。」
❎ 有人語帶諷刺司機的做法。「俾完折頭，仲要幫客偽造文書呃公司錢，咁豪爽真係多謝你。」
【延伸閱讀】
恐怖的士｜一家三口坐正床蝨臭的士 終避不過床蝨爬上身吸血/外出遇床蝨4大處理方法