【真係有外星人】5月8日，美國總統特朗普下令戰爭部及FBI公開162份UAP（不明飛行物）檔案，全球對外星生命的關注再度升溫。與此同時，NASA最新公開的火星照片再度引起熱議，表面出現疑似「人臉」及「熊臉」等地形，兩個超大規模不尋常情況令人驚嘆。究竟係純粹自然現象，定係古代火星文明遺跡？火星上到底有冇外星人？
NASA火星照片再現「熊臉」 2公里巨型人臉震撼登場
NASA火星探測器「火星偵察軌道器」（Mars Reconnaissance Orbiter）於2022年12月拍攝到一張令人難以置信的照片。在火星表面，一個擁有圓形輪廓、雙眼同鼻子的「熊臉」清晰可見。呢個「熊臉」單單面部就足足有2公里寬，規模驚人。
專家解釋，呢個地形係由隕石坑、崩塌山丘同圓形構造偶然組合而成，屬於自然現象。不過一旦認定係熊臉，就越睇越似，令人難以忘懷。
經典「火星人面岩」重現話題 1976年已驚動全球
火星上最著名的不尋常地形，當然係1976年NASA「海盜1號」探測器拍攝的「火星人面岩」。位於火星西多尼亞地區（Cydonia），當時照片顯示一個酷似人類臉孔的地形，立即轟動全世界。
有人猜測係古代火星文明的遺跡，甚至附近仲有類似金字塔的構造。雖然NASA後來用更高解像度照片證明係自然侵蝕形成嘅山丘，但至今仍有不少人相信「角度唔同就會見到人臉」，懷疑NASA隱瞞真相。
為何火星總有「臉」？科學解釋 vs 想像空間
科學家指出，呢類現象叫做「Pareidolia」（空想性錯視），即人類大腦傾向喺隨機圖案中尋找熟悉的面孔或形狀。雲朵、岩石甚至牆壁污漬都常見類似情況。
不過，火星曾經有水存在、可能孕育過微生物的證據，令呢啲「臉」更添神秘感。隨住特朗普政府繼續公開UAP檔案，公眾對外星生命的想像力亦被徹底點燃。
火星探索未來：微生物定高等文明？
目前所有證據都顯示呢啲係自然地形，但火星探測任務仍然持續進行。科學家希望透過更多樣本分析，解答火星是否曾有生命、甚至文明的重大問題。
【延伸閱讀】
美國神秘51區一日17次狂震！科學家疑核測試 斷層擴張恐釀M6+強震 特朗普同日預告解密UFO文件
美國政府註冊Aliens.gov惹關注 白宮詭異回應「敬請期待」 特朗普UFO解密令掀真有外星人疑雲
盲眼龍婆預言11月外星人降臨! 美國防部日前公開UFO檔案 預言會成真？
真有外星人？特朗普公開國防部UFO檔案 1972登月神秘光點/飛碟走出122cm外星人？
特朗普解密UFO檔案：八角星不明飛行器現身 網民狂指「輪天使」真實存在？物理學家：生物不可能駕