【長者就業/中高齡就業/銀髮族就業】香港長者就業選擇有限，多數只能做基層或體力勞動工作，但日本就出現咗一個銀髮族新產業——「出租婆婆」！時薪高達170港元，只要陪人傾心事、扮三代同堂、給予情緒價值，年紀最大嘅出租婆婆甚至94歲都做得。呢份「筍工」會唔會為香港帶嚟銀髮族就業新啟發？
日本新興長者筍工——出租婆婆
香港好多銀髮族退而不休，想繼續搵錢但又苦無選擇，唔係做清潔就係做保安員，體力勞動之餘人工又唔高。但原來日本就有一個新興的銀髮產業，60歲以上嘅婆婆竟然可以靠「傾偈」搵食——仲要時薪高達170港元（支付3300日圓交通費及每小時3300日圓服務費用）！
日本一間名為 Client Partners 嘅公司推出「OK 婆婆」（OK Obaachan，即OK Grandma）租借計劃，俾 60 至 94 歲嘅婦女重新投入社會，「出租婆婆」團隊現大約有300-400人。呢項服務唔單止填補勞動力，更重要嘅係喺冷冰冰嘅數碼時代，為都市人提供一份久違嘅長輩溫暖。
出租婆婆做啲乜？
以為淨係陪傾偈咁簡單？「出租婆婆」嘅服務範圍比你想像中廣泛：
- 心靈樹洞：都市人壓力大，好多心事唔知同邊個講。婆婆們人生經驗豐富，最擅長聆聽同給予安慰，做你嘅專屬情緒垃圾桶。
- 扮三代同堂：日本唔少家庭因為種種原因無法同長輩同住，有需要時就可以「租」個婆婆返嚟扮一家人，滿足長輩渴望嘅家庭溫暖。
- 陪食飯、陪飲茶：一個人食飯好寂寞？婆婆陪你一齊食，仲會關心你食飽未、著夠衫未——呢種嘮叨，正係都市人最缺乏嘅人情味。
- 婚姻諮詢：婆婆們結婚多年，其中一個甚受歡迎的服務是婚姻諮詢，婆婆會以個來人身份分享婚姻體驗及智慧及給予人性化建議，不少日本年輕已婚女士都讚婆婆十分明白自己處境，建議暖心。
- 其他服務：教導煮傳統日本菜及家常菜、照顧小孩、打掃家居、撰寫傳統書道寫信等
「老」變成優勢、避開日本職場年齡歧視
「出租婆婆」最大嘅賣點，就係 將長者嘅人生經驗變成有價值的服務。婆婆們唔使體力勞動，唔使學新科技，只要做返自己——一個溫柔、體貼、識得關心人嘅長輩——就可以賺取可觀收入。
不過，不少「出租婆婆」表示這份工作最大得著並不是金錢，而是讓她們避開日本職場的年齡歧視，將「老」變成一種可貴的能力。她們更表示投身成為「出租婆婆」讓她們重新感受到自己仍是社會的一份子。另外，部分出租婆婆則表示有助擺脫孤獨感，好像下圖的梶多惠子（Taeko Kaji）就在愛犬離世後加入「出租婆婆」行列。
出租婆婆重點整理
| 項目 | 詳情 |
|---|---|
| 服務名稱 | OK 婆婆（OK Obaachan）租借計劃 |
| 推出公司 | 日本 Client Partners |
| 對象年齡 | 60 至 94 歲婦女 |
| 團隊人數 | 約100人 |
| 時薪 | 約 170 港元 |
| 服務內容 | 陪傾心事、扮三代同堂、給予情緒價值 |
【延伸閱讀】
日本肌肉猛男護老院爆紅！女長者讚超養眼、推輪椅有安全感！月費竟平過香港私家安老院舍？
日本老人院變拉斯維加斯賭場！長者日日打麻雀玩百家樂2小時 背後原因有洋葱
點樣拎多$1000長者醫療券？長者醫療券獎賞先導計劃延長至2028 拎錢方法＋適用醫療服務懶人包