健康必殺食｜「女人食物」美顏之道落田採摘木瓜番茄

飲食

2023-03-16 17:01

一連9集的資訊節目《健康必殺食》，來到第二周，第六集主題是「女人食物」，主持們和嘉賓會了解木瓜、花膠、雪燕等珍貴食材，如何達致補血、抗氧化和美顏等功效，如何炮製為美女而設的「花膠雪燕靈芝羹」，其營養價值又怎樣？

而陸浩明（6號）則帶了吳紫韻、鞏姿希及邵初落田，採摘大廚Hilda炮製的「木瓜雜莓燕麥芭菲杯」和「紅菜頭拿破崙」等菜式所需的食材，其間6號更叮囑邵初一定要摘到蕃茄：「最緊要係啲茄紅素對男士有用」，邵初即取笑6號：「咁又係，你咁虧，要整多啲畀你啦」，6號聞言竟腦筋急轉彎化危為Gag謂：「你又知我Quite（同音：虧） good呀？」二人扮鬼扮馬又互笑互窒，非常搞笑。

健康必殺食｜去蜂場學採蜂蜜蜜糖水變「開心食物」

飲食

2023-03-21 18:20

一連9集的資訊節目《健康必殺食》，第七集主題是「開心食物」，陸浩明會與嘉賓趙希洛、曾淑雅及黃美棋去蜂場學採蜂蜜，飲完蜜糖水後，如果覺得「苦苦哋」，原來和身體狀況有關係？美棋BB對蜜蜂採完花蜜，識路自己飛返蜂箱而大感驚訝，六號即寸嘴表示：「你估係你咩？要GPS先返到屋企！」之後美棋BB竟在鏡頭面前大嗌「我要派帽」，當大家震驚緊嘅時候，佢解釋是去蜂箱採蜜前，要事先戴上網帽和手套，提防被蜜蜂針。

原來採蜂蜜仲要好靜，眾人體驗採蜂蜜的獨有竅門，採摘到的蜂蜜糖，怎樣吃才最美味？還即席沖蜂蜜糖水。之後，跟星級大廚陳國強炮製開心美食。