肥媽李鼎｜「榴槤肉拌飯」娛樂圈複雜滋味 鼎爺揭視帝黎耀祥曾諗過轉行

TVB飲食節目《肥媽李鼎》，重溫上周三播出一集，主題是「極愛極恨娛樂圈」。鼎爺再分享視帝黎耀祥的辛酸史，鼎爺透露祥哥演完《西遊記》豬八戒後，事業曾經跌落谷底，更一度想過要轉行，幸好祥哥後來遇上「柴九」這個角色，成就其登上事業高峰。肥媽更重提當年無辜捲入「甄妮批G.E.M.鄧紫棋無禮」風波一事，想知肥媽講咗乜？

身為娛圈新丁的游游，還請教兩位前輩小錦囊，肥媽教路：「隻眼要打開，隻耳要打開，隻嘴要收埋。」鼎爺則說：「早到遲走，坐埋一邊，睇人哋邊度好邊度唔好。」

肥媽之後問到入行4年的游游想有幾紅？游游說：「相對於紅唔紅，我其實想賺到錢多啲。」肥媽聞言即說：「呢句洗咗佢，對住塊鏡同自己講，我一定會紅、我一定會紅、我一定會紅，真係有用㗎，我最窮嗰時都係咁樣對住塊鏡咁講。」

鼎爺一道「榴槤肉拌飯」，蘊含娛樂圈箇中複雜滋味。