漢堡大比拼 🍔
🌟 Burger Joys
好多年前，小編仲喺金鐘返工嘅時候，就試過呢間傳說中香港 No.1嘅漢堡包🍔 不過三年過去之後，今次試完非常失望。漢堡嘅包軟軟普通的，漢堡扒偏深色，有好多一粒粒疑似筋口感嘅肉粒。漢堡配菜方面，如果鍾意食生洋蔥🧅同埋酸瓜就應該好開心😂 最伏嘅係要加$12嘅芝士薯條🍟 芝士軟淋淋，有陣苦、燶嘅怪味揮之不去，非常可怕。價錢方面，$134一個lunch套餐，都唔平。
🌟 Eggslut
相信大家都喺social media見過好多人宣傳呢間餐廳🍔 佢出名係食蛋🥚入面有一款芝士漢堡，就拎黎做個大比拼啦～牛肉望落去比較薄身，不過包係暖暖的。比較精彩係個煎蛋，咬完輕輕一按就會見到流心蛋黃。整體味道唔錯，連酸瓜都調味得幾好食👍 不過食完真係會成手都好污糟，所以佢哋都好貼心咁準備咗洗手機🧽
🌟 Sick Burger
小店厲害到由馬鞍山開到去港島分店！之前上網見到網民話價錢好貴，但係小編嘅牛肉漢堡都係＄68，質素非常高！！漢堡包同牛都係即叫即整，熱辣辣又香脆，漢堡包嘅皮好似識呼吸咁，非常有生命力。每一啖都感受到食材嘅新鮮同埋調味一流。真係一試難忘～
