Dood Bottega Gelateria
價錢最貴的一款！不同的口味價錢不一樣，最貴可以三位數一球，小編只能夠叫一球。
呢一款係希臘乳酪味，店員好似土耳其嗰啲買雪糕嘅人咁，不停攪先至可以成功將Gelato拎出嚟，黏性十足！Overall，味道有少少似凍咗嘅乳酪。
💰：單球$79
Gelato-Go
來自美國的牌子，店員非常熱情地邀請小編試唔同嘅口味，最後揀咗開心果同Tiramisu口味。
小編比較喜歡開心果口味，有果仁喺入邊，gelato質感有韌性口感偏creamy
💰：雙球杯裝$85
Messina
品牌來自澳洲，每日有40款唔同嘅口味，其中有啲口味係香港限定。小編特別試咗香港限定嘅dragons back 即係火龍果味，同埋椰子荔枝味。 呢兩款都係偏清爽嘅口味，如果想濃啲可以揀奶茶同埋黑芝麻湯圓。
相比雪糕軟身，但呢一款稍為有沙冰的口感，火龍果味真係好似食緊生果咁。
💰：雙球杯裝$85