港鐵故障 | 將軍澳綫暫停撞正收工市民坐正出事列車停電無冷氣搭齊所有交通工具花2.5小時回家

【港鐵/地鐵/故障/將軍澳綫/暫停/收工/市民/列車/停電/冷氣/交通工具/收工】港鐵將軍澳綫昨日（22日）傍晚發生電力故障，一度全線暫停，至晚上10時半恢復，港鐵對造成乘客不便致歉，並解釋是由於電力供應受阻引起。

網民坐正「出事」列車

對此，不少網民在社交平台訴說自己的情況，有男網民稱自己正是坐上「出事停電」的列車前往康城，形容由鰂魚涌站到油塘站需時半小時，期間列車一度停電和停冷氣。

「到5:17p.m.左右，架車嘅燈閃得好勁，之後成架車停咗，但唔係急停，feel like（感覺）著咗後備電，到5:35先行番，5:45先到油塘就叫晒人落車，而家就成條將軍澳綫停咗，我就kick（撠）咗康城，今日咁黑㗎咩。因為我要入康城，所以侷住call Uber入去。」

市民花逾1至2小時回家

另有網民拍攝到巴士站大排長龍的照片，不少人指自己花逾1小時才回到家中，「我荔枝角返坑口98C，1個鐘頭15分鐘到」、「6:30pm筲箕灣上690S，8p.m.天晉落車，8:05pm頂唔順call咗的士返寶琳」、「8點幾（返到），行咗差（唔多）半個鐘返去」、「前面搭左1個半鐘車，再行，唔算遠，但收工搞咁多嘢已經好攰......」、「收6，8點返到去（小巴+地鐵+船+行+巴士）」、「19:50荔枝角走，搭去調景嶺轉的士，20:45返到坑口，見到suttle bus（接駁車）都唔想排，上咗的士幾分鐘就話恢復」、「6點北角（離開），8:30先返到將軍澳」。