新型騙案｜街坊注意屯門呃飯食黨出沒超離譜帶小孩詐騙/拍打車窗求買飯盒/網民：孭名牌袋無飯食飯？

【新型騙案/呃飯食黨/屯門/置樂/置樂仁愛街市/詐騙金錢/車主小心/屯門街坊/屯門騙案】聲稱沒錢吃飯，再苛索金錢的呃飯食黨於香港橫行，但今次這單發生在屯門的更是猖狂，騙徒以小朋友作為藉口詐騙。Facebook群組「真•屯門友」有網民發帖，表示早前於區內買餸時，丈夫在車中等候，突然有一推着嬰兒車的女子拍事主丈夫的車窗，聲稱細路無飯食叫事主丈夫買飯盒。屯門的街坊真的要加倍留意，免得被這些騙徒詐騙金錢。

屯門呃飯食黨出沒｜事發經過

1️⃣ 事主在置樂買餸，丈夫在車中等候
2️⃣ 一名女子推著一架載有小朋友的嬰兒車，拍打事主丈夫的車窗，聲稱「小孩沒飯吃」，要求事主丈夫買飯給她
3️⃣ 事主上車，不作理會便開車離去
4️⃣ 隨後，事主發現騙徒轉糾纏向他人，以相同理由要求路人買飯
5️⃣ 事主既憤怒又感慨香港就是被這種人將僅有的同情心都消耗掉

屯門呃飯食黨出沒｜網民意見

不少屯門街坊均對女騙徒帶子行騙感到不滿，不少人跟事主一樣慨歎香港變了，亦有人表示擔心小孩目睹這種事情成長會有陰影，更多網民突破盲點表示女騙徒身花頸靚，甚至孭著名牌袋但無錢食飯？更有人建議要推上小紅書以及報警來阻止這類事情發生。

💬「難為個小朋友，求小朋友成長心理因素」
💬「搞到香港無曬安全感四擺距上小紅書，幫距（佢）發揚光大」
💬「可能係小紅輸嘅攻略，教啲乞衣係香港咁做」
💬「佢著得咁光鮮，唔係諗住我地會中計嘛！香港越嚟越多呢類人！呢啲就係傳說中的磚材？」
💬「有錢買goyard 無錢開飯？」

💬「就係因為有人俾人先越嚟越多。專向男士埋手」
💬「之前係柏麗個邊都有，仲要一家三口，小朋友坐bb車，佢地話係大陸落黎玩，唔見左銀包，無錢食飯&搭車，我話幫佢地報警，佢地即刻轉身走」
💬「唔駛十年，香港應該過半呢類人囉」
💬「拎5舊水出黎買幾廿個飯盒，你同我食X哂佢先好走女」
💬「直接同佢講香港行乞犯法，任何人在任何公眾地方乞取或收取施捨，均有可能觸犯香港法例第 228章《簡易程序治罪條例》第26A條。」