【六合彩/廣告/離職/六合彩/散水禮/設計/包裝/驚喜/中獎/獎金】一名從事廣告行業的女網民在Threads發帖，指自己早前離職，擔心派散水餅或請喝飲料未必符合各人口味，或是「太飽食唔落」。
她稱曾打算送贈適合各同事的禮物，但又怕只是「枱面封塵嘅擺設」，又想加點新意，最後決定送每人1張六合彩彩票。
事主稱在投注站人手畫上20多張彩票，並自行包裝和設計，作為散水禮物送給同事。她透露有留了一張給自己，更幸運地中了3個字，即中7獎，獎金為40元。
「我糾結咗好耐，今次送咩好，最後揀咗將幸運送出。留低一個好回憶，唔係例行公事，有派散水餅/禮係一份對工作環境嘅心意，冇送亦唔係錯。我冇咩錢只可以送上開心。」
網民：你好有心
不少網民看到帖文後，大讚事主有心思和創意，亦有人分享自己的見聞，「好有心機，收到呢份散水禮會好開心」、「鍾意！你好有心，包裝好靚，就算中唔中都會記得你，好過食件cake（蛋糕），講真唔會有咩印象」、「如果我收到，我會儲起佢留念」、「之前有個同事係出咗封email（電郵），話將買散水餅嘅錢捐咗去（有埋收條），然後祝大家工作順利，江湖見，加埋幾張meme（迷因）圖。唔知其他人點諗，但我勁buy（接受）！記到而家」、「我都有類似款，做安老院。其實啲包裝『Canva』整完『淘寶』印好平，都係份心意！」。
【延伸閱讀】
六合彩 | 港女裸辭買60張相同號碼六合彩做散水禮 奇蹟中X個數字同事每人收咁多獎金