【大埔/宏福苑/火災/災民/租住/公屋/坐地起價/同情心】一名網民在Facebook群組「大埔 TAI PO」以匿名發帖，表示自己是大埔宏福苑單位的租戶，火災發生後一直努力尋找租盤，「當然想搵番啲有家電、傢俬、裝修唔差的盤，大埔、粉嶺、上水到現在真的很少，應該也有很多災民在搵樓！真的搵得很辛苦也找不到！」
事主指自己有一名認識30年的男好友，對方任職幼稚園教師的妻子有一個「遺產買斷了未補地價」的公屋單位，現在沒有人住，本來稱可以1.1萬元出租給事主暫住或長租，他因不想影響雙方關係推卻。
友人妻子出租單位坐地起價
然而，事主表示一直都找不到心儀租盤，遂打算暫時租住友人妻子的單位，未料對方突然加價，「點知佢太太夠膽死而家又話要加到11,500，其實一千幾百真係冇所謂，但係在全港個個都話捐錢幫助宏福苑的時候，原來真係有呢啲吸血鬼，喺呢個時候唔幫不特止，仲要踩多兩腳！我現在真係深深明白就算乞食住天橋底都唔會喺佢太太面前！」
事主透露其實跟友人妻子早因其他事情「反咗面」，發文是想感慨一番：「我喺度講只係想抒發吓嘅心情係咁大火災之下我死唔去，原來仲會遇到一啲沒有同情心的吸血鬼，究竟而家獅子山精神土生土長的香港人在哪？」
網民：認清楚佢係咩人
帖文曝光後，不少網民都認為從此事可認清一個人的真面目，但都有人質疑對方沒有必要平租給事主，甚至是違法，「呢啲人一定有，望闊啲就會睇真，平時幫開嘅人，到你有危急都say no（拒絕），就可見人心」、「講真呢啲人做你業主就真係好不幸，好彩你冇租佢個單位咋，佢開你5K都唔好住，租唔過呢啲所謂業主」、「好好上咗一課，認清楚佢係啲咩人，日後應該點樣對待佢，他朝君體也相同，所以唔使理啲咁嘅人」、「點解你會覺得『災民』呢個身分，其他人就有必要減租畀你呢？」、「未補地價應該唔可以租畀人？」。
據香港房屋協會「未補價資助出售房屋 - 出租計劃」，只容許合資格的房協及房委會資助出售單位業主將其未補價的單位/睡房出租予合資格的公屋申請者。參與計劃所須的「業主證書」或「租客證書」的申請資格維持不變。
【延伸閱讀】
大埔宏福苑五級火｜殉職消防員何偉豪最高榮譽喪禮據指下周五舉行 市民連日於沙田消防局外獻花致敬