【家事常識｜廚房小貼士｜烹飪冷知識｜雞蛋常見問題】雞蛋係香港人最常用嘅食材，但打出生蛋時，相信大家都遇過蛋黃旁邊有一粒白色小點，又有時會見到蛋黃上有少許像微絲血管或血絲嘅小斑？煮蛋前要唔要挑走佢哋？究竟呢個白色小粒及「血絲」係乜嚟？食唔食得？日本蛋組織「日本JA全農TAMAGO」就解答大家嘅疑問，表示它們唔單止安全，仲有豐富營養價值，有助抗癌抗氧化！
蛋黃旁白色小帶是甚麼？
- 真實身份：打開雞蛋，蛋黃與蛋白之間有一條白色小帶連著，其實係「繫帶」（chalaza，亦竹稱為「卵帶」），係一種蛋白質繩索，用來固定蛋黃喺蛋殼中央，避免蛋黃亂移動。
- 唔係雜質：呢個小點唔係雜質或污糟嘢，而係雞蛋自然形成嘅一部分。如果你見到繫帶好明顯，反而代表呢隻蛋好新鮮，因為新鮮蛋嘅繫帶會比較粗壯。
- 煮食建議：日本JA全農TAMAGO指出，煮食時唔使刻意挑走繫帶，煮熟咗之後佢會自然融化晒，唔會影響口感。相反，挑走咗反而浪費咗部分營養。
雞蛋繫帶含唾液酸可抗癌！
- 豐富營養成分：蛋黃繫帶唔單止係固定蛋黃嘅工具，佢仲好有營養價值！繫帶含白色繫帶含有唾液酸，而唾液酸含有豐富的抗癌作用的成分，對身體有益處。
- 抗癌抗氧化潛力：日本JA全農TAMAGO解釋，繫帶嘅蛋白質有助中和自由基，甚至有研究顯示佢有抗癌潛力，因為內含抗氧化物。
- 食用建議：食之前唔使挑走，食埋佢反而對身體有益！
雞蛋上的血斑是甚麼？
- 血斑的成因：蛋黃上嗰啲啡色或紅色小斑，其實係「血斑」（blood spot），是由蛋殼色素粒子聚集所形成，因蛋殼色素影響。呢個好常見，「黃蛋」大約3隻就有1隻有，而「白蛋」每100隻出現1-3隻。
- 安全無虞：唔代表蛋壞咗或受細菌污染，日本JA全農TAMAGO強調，血斑完全安全，可以放心食得。
- 處理方式：如果你唔鍾意外觀，可以輕鬆挑走，但營養上無損失。
【延伸閱讀】
家事常識｜車厘子有蟲？肉眼難見小心食果蠅幼蟲落肚！三大廚房法寶洗走車厘子蟲卵
家事常識｜食剩半個牛油果點保鮮？2大牛油果不變黑方法 延長保鮮3天