【碰瓷黨/尖沙咀/跑步/手機/賠償/維修/自保/脫身/網民】一名男網民在Threads發帖，表示日前在尖沙咀跑步，途經尖東海旁時遇到一名男士，「話我碰到佢的電話跌落地下，要求我賠償。佢即場開部電話畀我睇，話只係有聲音，但畫面沒有」。
事主指雙方理論一番後，該男子稱「自己都有錯」，提出每人負責一半維修費。對此，事主指「當時所有我的財物不在我身邊，要回去gym room（健身房）取」，便借機離開。
事主一招自保脫身
該男子見事主打算離開，便要求他拿著手機，事主隨即拒絕，以免留下指模，「我話『你自己放低就算啦，我唔會接觸你的電話』。最後我當然沒有理他，我從商場另一邊離開」。
事主形容該男子操廣東話，口音像香港人，「但佢幾次話聽唔明我講乜，懷疑佢不是本地人」。他又表示年近歲晚，騙徒特別多，遂發帖提醒大家要小心「碰瓷黨」。
網民：大陸也遇過
帖文曝光後，有網民指相關「招數」已屢見不鮮，「這招30多年前在大陸也遇過」、「即時報警處理」、「最近好似聽說有這樣的騙局，真的要小心」、「好彩冇用迷暈粉、有啲一同佢講句嘢，醒來就唔見銀包」、「謝謝分享，真要小心提防！」、「佢叫你攞，即係想你留指紋喺佢電話度」、「其實超舊橋，90年代廣州已有同事遇撞爛手錶黨， 2000年左右羅湖關口附近有撞跌藥水黨，賣慘只要求賠100、200。但朋友書城見過撞跌古董，仲即刻拎張單出嚟話剛買，有同黨扮途人附和話應該賠，銀碼係上萬」。
【延伸閱讀】
東張西望丨新型碰瓷黨已有4人被捕 首名報料苦主成英雄 ：「感謝東張團隊」