農曆新年，最受歡迎的拜年禮物罐裝蛋卷一定有份，從蛋卷放得滿滿的鐡罐裏取出第一條蛋券必碎，香港老字號餅家恒香就在Threads上找來幫蛋卷入罐的姐姐，分享大家如何完美地取出第一條蛋卷而不碎，放法原來好簡單！兩步就做到。另外，帖文亦分享罐裝蛋卷如何入罐可以放得滿滿，即入本文睇下咁有趣的罐裝蛋卷冷知識。
恒香老餅家回應網友疑問：點拎出第一條蛋卷？
香港老字號恒香老餅家最近喺Threads上回覆網友疑問，搵嚟廠房負責入罐蛋卷嘅姐姐示範。帖文勁受港人歡迎，短時間內獲1.2萬讚好、6300多次轉載！主要解答兩個問題：點樣取出第一條蛋卷唔碎，以及蛋卷係點樣人手入罐放得咁滿。姐姐分享咗取出蛋卷嘅簡單兩步法，仲強調最緊要係將蛋卷頂向一邊。帖文一出，好多網友都話好實用，尤其係農曆新年買咗罐裝蛋卷做拜年禮物嘅人。
完美取出第一條蛋卷步驟
步驟一：將蛋卷頂向其中一邊
先開罐，然後輕輕將罐內嘅蛋卷頂向其中一邊。呢個步驟最重要，因為蛋卷放得滿滿，如果唔頂開，就好易碎爛。
步驟二：打斜45度取出
頂開之後，將罐打斜45度，慢慢取出第一條蛋卷。咁樣蛋卷就唔會互相擠壓，完美無缺取出嚟。
記住，取出時唔好太大力，慢慢嚟就OK。試過之後，你會發現原來咁簡單！
蛋卷如何入罐？
恒香老餅家嘅蛋卷全部都係人手入罐，唔靠機器。秘訣係將靚蛋卷以45度打斜入罐，咁樣先可以放得滿滿。
至於最後一條蛋卷，就喺罐中央輕輕按壓落去。姐姐示範話，呢個方法確保每罐蛋卷都裝得密密實實，唔浪費空間。
唔使撬開罐大法
只要罐裝蛋卷的頂蓋邊，把內部的圓形罐蓋撬起即可，唔使用鉸、唔使用鎖匙！
【延伸閱讀】
家事常識｜去除鏽漬神器 一張「紙」10秒令金屬表面回復光亮！成本不用1毫子、毋須清潔劑
家居清潔 | 抽氣扇積千年灰塵油污 3步簡單DIY清潔機身扇葉 清洗頻率曝光延使用壽命