【家事常識/廚房小知識/蔬菜保鮮】是蔬菜有時買多吃不完，放入雪櫃幾天便會謝晒、菜葉變黃、甚至被抽乾水份，但原來係有得補救！美國知名美食網站Delish烹飪專家就教，用溫水浸泡15分鐘就能讓乾癟蔬菜快速吸收水分，回復原來爽脆口感。無論生菜、芹菜定小黃瓜，都可以輕鬆救回，減少廚房浪費。想知詳細步驟同不同蔬菜專用方法？記得入內文睇詳情啦！
烹飪專家推介：溫水浸泡15分鐘復活法
根據Delish專家建議，最有效的方法係用43°C至60°C的溫水浸泡蔬菜。熱水冷卻到約45°C左右，將蔬菜放入浸15分鐘，就可以看到明顯變化，菜身變得水潤爽脆。
步驟超簡單：
- 準備一碗溫水（唔好太燙，約溫熱感覺）
- 將已變軟或乾癟的蔬菜放入浸泡
- 浸約15分鐘，期間可輕輕翻動
- 取出後瀝乾水，即可烹飪或生食
各款蔬菜保鮮貼士
Delish專家仲提供咗幾款常見蔬菜的專屬方法：
- 生菜、菠菜等葉菜：直接用溫水浸15分鐘，效果最快。
- 西洋芹、蘆筍、花椰菜：切走底部0.5-1cm，像插花咁直立放入清水杯，雪櫃冷藏一晚。
- 小黃瓜：切頭尾對半，放入密封袋加水，雪櫃蔬果層過一晚。
- 紅蘿蔔：放入裝滿水的密封盒，冷藏2日即可回復脆度。
- 茄子：切頭尾，放入碗加水（水量等於茄子加碗重量），雪櫃冷藏5小時以上。
增加酸度提鮮小技巧
想菜色更鮮明、口感更脆？Delish專家建議，在浸泡水中加少少白醋或檸檬汁，可以抑制氧化，效果更好。特別適合豆苗、菠菜苗等容易變色的菜。
【延伸閱讀】
家事常識｜日本超市達人教蔬菜保鮮秘訣 簡單兩動作放雪櫃延長保鮮期 附各款蔬菜存放貼士
家事常識｜點樣揀到超甜新奇士橙？一文教你睇新奇士橙編號、黑牌藍牌 最甜靚橙係邊款？
家事常識｜日本食物公司教：薑如何保鮮？簡單三步驟保存豐富薑汁＋用密實袋延長保鮮1個月
家事常識｜新鮮藍莓都輸！營養師推薦冷凍版 花青素多25%＋保留最多維他命C