【外膳/食物衛生/洗餐具】香港人有一習慣，去大排檔或茶記用膳，用餐前會用熱水把碗筷淥一淥或浸洗一會來消毒，覺得可以殺菌保持衛生。但這個做法真係有用嗎？中國浙江桐廬縣檢驗檢測中心科研團隊最新實測揭曉：短時間快速沖淥效果近乎零，只有用100℃滾水持續燙夠2分鐘先有明顯殺菌作用！家事常識教你點做先有效。
國內科研團隊實測：100℃浸2分鐘先可殺菌
科研團隊模擬日常情境，準備咗六個污染程度相同嘅碗，分別用30℃、80℃同100℃三種水溫處理。每種水溫再分「快速沖淥」同「持續燙洗2分鐘」兩種方式，之後培養檢測碗內殘留菌落數量。
30℃溫水快速沖淥：效果近乎零
用約30℃嘅溫水快速沖一下，碗內細菌數量幾乎冇減少。科研團隊發現，呢種常見嘅「做樣」沖洗，根本殺唔死細菌，甚至只係將細菌重新分布咗，衛生改善幅度非常有限。
100℃滾水持續燙2分鐘：殺菌效果最佳
相反，用100℃滾水持續燙洗足足2分鐘，碗中殘留嘅菌落數量最低，顯示高溫加足夠時間下，殺菌效果最明顯。溫度越高、時間越長，抑制細菌嘅效果就越好。
科研團隊指出，餐廳提供的熱水溫度未達沸點，加上顧客往往只沖一兩秒就倒掉，接觸時間太短，根本達唔到真正消毒目的。唔同細菌對溫度同時間嘅耐受力唔同，有啲微生物要接近沸騰高溫加持續時間，先會被有效滅活。
外出用餐正確消毒餐具方法
- 滾水浸夠2分鐘：想有效消毒，最好將餐具放入滾水中煮沸幾分鐘，而唔係只淥一淥。
- 自備餐具：外出食飯若想安心，帶定自己嘅餐具更穩陣。
- 使用食用級酒精/食具消毒濕紙巾：坊間有不少這類型產品賣，開餐前不妨以這類產品消毒餐具。
記住，若使用普通酒精消毒餐具，消毒及酒精揮發後亦要以水洗淨餐具，以防殘留酒精。
【延伸閱讀】
家事常識｜雞蛋買回家千萬別立刻放雪櫃！小心細菌污染全冰箱 專家教雞蛋買回家正確保存法
家事常識｜車厘子有蟲？肉眼難見小心食果蠅幼蟲落肚！三大廚房法寶洗走車厘子蟲卵
家事常識｜新鮮藍莓都輸！營養師推薦冷凍版 花青素多25%＋保留最多維他命C
家事常識｜藍莓列最毒生果！鹽水/梳打粉越洗越毒 醫生教正確清洗藍莓方法 12大殘留農藥水果名單